Бунга сабаб сифатида бош котиб Йенс Столтенберг урушнинг тинч йўл билан ҳал этилиши истиқболини кўрмаётганини таъкидлади.

У Британияда чиқадиган Guardian газетасига берган интервьюсида  Россия Президенти Владимир Путинда Украина  бўйича  тинчлик режаси йўқлигини таъкидлади. “Шундай экан, АҚШ, Бирлашган Қироллик, Франция, Германия ва бошқа ғарб мамлакатлари Украинани узоқ муддат мобайнида қурол-яроғлар ва эҳтиёт қисмлар  билан таъминлашга тайёрланиши керак”, - дейилади мазкур нашр берган хабарда.  

Альянс бош котибининг фикрича, Хитойнинг воситачилик саъй-ҳаракатлари Киев позициясини тушунишга ва Владимир Зеленский билан бевосита ҳамкорлик қилишга қаратилган ҳаракатлари билан бирга олиб борилиши керак.  

“Столтенберг Пекин ҳали ҳам Россия босқинини қораламаганидан шикоят қилди”, - деб ёзган газета.  

Хитой ҳукумати февраль ойида ўзининг тинчлик режасини таклиф қилган эди. Ушбу режа 12 бўлимдан иборат бўлиб, ўт очишни тўхтатиш, барча мамлакатларнинг хавфсизлик соҳасидаги манфаатларини ҳурмат қилиш, Украинада гуманитар инқирозни бартараф қилиш масалаларини ўз ичига олган.