“Осиё тикланиш ва тараққиёт банки” лойиҳаси асосида “Аму-Бухоро” ирригация тизимларини қайта тиклаш ишлари доирасида “Аму-Бухоро-1”, “Аму-Бухоро-2” насос станцияларини реализация ва модернизация қилиш ишлари амалга оширилди.

Янги “Аму-Бухоро-1” насос станцияси қурилишига Хитой Халқ Республикасининг “China National Technical Import and Export Corporation” компанияси томонидан “CNTIC” пудратчи ташкилот сифатида бунёдкорлик ишларига жалб қилинган эди. Ҳозирга келиб умумий қиймати 82 миллион 960 минг АҚШ долларига молиялаштирилган мазкур янги насос станцияси қурилиш ишлари тўлиқ якунланди. 

Янги насос станциясида 8 дона, ҳар бирининг қуввати 11,25 метр секунд бўлган юқори унумли насос агрегатлари ўрнатилди. Бу саъй-ҳаракат натижасида насос станциясининг умумий сув чиқариши 90 метр секундга етказилди ҳамда станция энергия тежамкор асбоб-ускуналар билан жиҳозланди. 

Зариф Комилов, ЎзА