Президент топшириқлари – амалда

Давлатимиз раҳбари Шавкат Мирзиёев жорий йилнинг март ойида Наманган вилоятига ташрифи чоғида Поп туманида наслли эчкичиликни ривожлантириш бўйича топшириқ берган эди.

Шундан сўнг Ветеринария ва чорвачиликни ривожлантириш қўмитаси томонидан Поп туманида жун йўналишидаги наслли эчкичилик кластерини ташкил қилишга киришилди. Ушбу эчки зотини кўпайтириб, аҳолига “Ҳар бир оила – тадбиркор” дастури доирасида етказиб бериш кўзда тутилди. 

Бунинг учун хорижий давлатлардан икки минг бош майин жунли Ангор ва Горно алтай зотига мансуб наслли эчкилар олиб келиниб, “O‘ZNASLCHILIK” давлат корхонасида маҳаллий иқлим-шароитга мослаштириш ишлари бошлаб юборилди.

Туманнинг Чоркесар қишлоғида ўн минг бош эчкига мўлжаллаган мажмуа бунёд этилиб, жунни қайтa ишлаш бўйича лойиҳа ишга туширилди.

Ветеринария хизмати ва чорвачиликни ривожлантириш жамғармаси маблағлари ҳисобидан Наслчилик илмий ишлаб чиқариш маркaзининг эчкичиликни ривожлантириш бўйича Поп тумани филиали ташкил этилди. Ўн минг гектар яйлов ва тўрт юз гектар озуқа экиладиган cувли майдон илмий-тадқиқот муасcaсaлаpи учун ижарага берилди.

Кейинги босқичда келтирилиши режалаштирилган наслли эчкиларни ветеринария карантин тадбирлари ўтказиш даврида маҳаллий шароитга мослаштириш учун тегишли фермер хўжалиги танлаб олиниб, 300 тонна ширали озуқа, 5 тонна сомон, 7,5 тонна дағал ҳашак жамғарилди. 

ЎзА