NASA 2025 жылы Антарктида үстіндегі озон қабатындағы тесіктің көлемі айтарлықтай қысқарғанын хабарлады.

Бұл – озон қабатын бұзатын заттарды шектеуге бағытталған Монреаль хаттамасы күшіне енген 1992 жылдан бергі ең төмен көрсеткіштердің бірі. Бұл жайында NASA мен АҚШ-тың Ұлттық мұхит және атмосфера басқармасы (NOAA) мамандарының бірлескен мәлімдемесінде айтылды.

Ғалымдардың дерегінше, биылғы озон тесігі көлемі бойынша соңғы ондаған жылда бесінші көрсеткішті қайталап отыр. Озон қабатының ең жұқарған кезеңі саналатын 7 қыркүйек пен 13 қазан аралығында бір күндік ең жоғары деңгей 9 қыркүйекте тіркеліп, шамамен 23 миллион шаршы километрді құрады. Бұл 2006 жылғы тарихи рекордтан шамамен 30 пайызға аз.