АҚШ Миллий аэронавтика ва коинот бошқармаси (NASA) “3I/ATLAS” кометаси космик кема каби тезлашаётгани ҳақидаги назарияни рад этди.

Илмий жамоатчиликнинг мазкур фазовий объектга қизиқиши ортишига айрим хорижий манбаларда “сунъий эканлиги, Қўёш тизимига бегона, ҳатто ўзга сайёраликлар кемаси бўлиши мумкин”, деб тарқатилган хабарлар сабаб бўлмоқда. 

Шунингдек, “NASA” мазкур кометанинг сайёрамизга ҳеч қандай таҳдид солмаслигини маълум қилди.

– “3I/ATLAS” Ердан хавфсиз масофада жойлашган, - деди “NASA” вакили Никки Фокс.

Хабарда таъкидланишича, ушбу комета галактиканинг бошқа қисмидан Қуёш тизимига кирган учинчи объектдир. У Ердан 250 миллион километрдан ортиқ узоқликда жойлашган.

С.Раҳимов, ЎзА