Нарпай ва Каттақўрғон туманларига ҳокимлар тайинланди
Бугун Халқ депутатлари Нарпай ва Каттақўрғон туманлари Кенгашларининг навбатдан ташқари сессиялари ўтказилди.
Иккала сессияда ҳам ташкилий масала кўрилди.
Шерзод Раҳмонов Нарпай тумани ҳокими вазифасига, Жамшид Насриддинов эса Каттақўрғон тумани ҳокими вазифасига тасдиқланди.
Тайинловга қадар иккала туман раҳбари ҳам ҳоким вазифасини бажарувчи сифатида ишлаб келаётган эди.
Сессиялар ишида Самарқанд вилояти ҳокими Эркинжон Турдимов иштирок этиб, ҳудудларни ижтимоий-иқтисодий ривожлантириш, аҳоли турмуш даражасини оширишда ҳокимлар ва фаоллар олдида турган вазифаларга эътибор қаратди.
Ғ.ҲАСАНОВ, ЎзА