Samarqand viloyatining Narpay tumanida yashovchi “Dilshod” ismli shaxs fuqaro A.Sh. ga o‘zini Paxtachi tumani IIB kiberxavfsizlik bo‘limi xodimi sifatida tanishtirib, yuqori lavozimdagi tanishlari orqali uni ishga joylashtirib qo‘yishini aytib, buning evaziga 1500 AQSH dollari talab qilgan.

Huquqni muhofaza qiluvchi organlar xodimlari tomonidan o‘tkazilgan tezkor tadbir davomida ushbu shaxs fuqarodan 1500 dollarni olayotgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining tegishli moddalari asosida jinoyat ishi qo‘zg‘atilib, tergov harakatlari olib borilmoqda.

G‘.Hasanov, O‘zA muxbiri