“Намуна” кичик саноат зонасида 1850 нафар кишининг бандлиги таъминланади
ФОТОРЕПОРТАЖ
Наманган вилояти ҳокими Шавкат Абдураззоқов Косонсой тумани “Туятойди” массивида жойлашган “Намуна” кичик саноат зонаси фаолияти билан танишиб, тадбиркорлар билан мулоқот ўтказди.
Вилоят ҳокими ушбу кичик саноат зонасида жойлашган “Barkas teks” корхонасининг иккинчи – тикувчилик цехи ва матоларни бўяш ишларини йўлга қўйиш бўйича лойиҳаси ҳамда “Traks” МЧЖ корхонаси фаолиятини кўздан кечирди.
[gallery-12115]
Таъкидлаш жоиз, “Намуна” кичик саноат зонаси ҳудудида умумий қиймати 198 миллиард сўм бўлган 27 та лойиҳанинг амалга оширилиши ҳисобига 1850 нафар кишининг бандлиги таъминланиши режалаштирилган. Ҳозирга қадар ишга туширилган 10 та лойиҳанинг биринчи босқичида 750 та янги иш ўрни яратилди.
Ҳотам МАМАДАЛИЕВ(сурат),ЎзА