ФОТОРЕПОРТАЖ

Аввал хабар қилинганидек, Наманган  вилояти ҳокими Шавкат Абдураззоқов бошчилигидаги делегация жорий йил январь ойида Хитой Халқ Республикасига ташриф буюрган эди. Жараёнда ўрнатилган ҳамкорлик ортидан Хитой Халқ Республикасининг яна бир йирик компанияси – “AVIC” бош менежери жаноб Хан Жун бошчилигидаги делегация Наманганга ташриф буюрди.  

Вилоят ҳокими меҳмонларни қабул қилиб, Наврўз байрами билан табриклади. Вилоятда тадбиркорлар учун яратилган шароитлар, имкониятлар ҳақида батафсил маълумот берди.  

Хитойлик инвесторлар эркин ҳамда кичик саноат зоналарига катта қизиқиш билдирди.

[gallery-16551]

-  Наманганга ўтган йил октябрь ойида келган эдим,  - дейди хитойлик инвестор Хан Жун. -  Ўтган қисқа вақт ичида вилоятда катта ўзгаришлар юз берибди.  

Самимий руҳда ўтган мулоқотда қатор лойиҳаларни амалга ошириш истиқболлари муҳокама қилинди.  

Таъкидлаш керак,  жорий йил январь ойида Хитойга ташриф давомида вилоят делегацияси томонидан 3,2 миллиард АҚШ долларлик 32 та лойиҳа юзасидан келишувга эришилган.  

Ҳотам МАМАДАЛИЕВ (сурат), ЎзА