ФОТОРЕПОРТАЖ

Япониянинг “Sansei Corporation” компанияси президенти Наоки Шова бошчилигидаги делегация шу кунларда Наманган вилоятида бўлиб турибди. 

Мазкур компания тиббий муассасаларни қуриш ва жиҳозлаш соҳасида фаолият юритади. Шунингдек, мазкур ташкилот мобиль тиббий контейнерлар ишлаб чиқариш ва етказиб беришга ихтисослашган. 2022 йилда Япония ҳукуматининг грант маблағлари асосида Ўзбекистонга томограф билан жиҳозланган биринчи тиббий контейнер етказиб берилган эди.

Эндиликда Япония ва Ўзбекистон ўртасида имзоланган 6,5 миллион АҚШ доллари миқдоридаги грант лойиҳасининг 2-босқичини амалга ошириш, яъни қўшимча 4 та кўчма тиббий контейнер етказиб бериш бўйича амалий ишлар бошланди. Ушбу контейнерларнинг биттаси Наманганга ажратилмоқда. 
Меҳмонларни вилоят ҳокими Шавкат Абдураззоқов қабул қилди. 

[gallery-25236]

Ўзаро мулоқотда Япония билан савдо-иқтисодий ҳамкорлик алоқаларини кенгайтириш масаласига алоҳида эътибор қаратилди. Наоки Шова Наманган вилояти делегациясини шу йил ноябрь ойида кунчиқар мамлакатда бўлиб ўтадиган халқаро анжуманга таклиф қилди. 

Ҳотам МАМАДАЛИЕВ  (суратлар), ЎзА