Наманган облысының Мемлекеттік қауіпсіздік департаменті қызметкерлері жүргізген жедел іс-шара барысында Қырғызстанға ірі көлемдегі шетел валютасын заңсыз өткізбек болған азамат қолға түсті.

Хабарда айтылуынша, Қырғызстанның Жалалабад облысының Ала-бұқа ауданымен шектесетін Наманган облысы «Янгигурган» ауданының аумағы арқылы мемлекеттік шекараға қарай келе жатқан «Ласетти» көлігі тоқтатылған.

«Наманган қаласының 1990 жылы туған тұрғыны басқарған көлікті тексеру кезінде оның салонында 3 полиэтилен пакетте 79 миллион 994 мың 900 ресей рублі бар екені анықталды», делінген хабарда.

Тергеу мәліметінше, бұл азамат ақшаны шекарадан өткізіп беру қызметі үшін 300 АҚШ долларын алуы тиіс болған.

Осы жағдайға байланысты аталған азаматқа қатысты Қылмыстық кодекстің 25,182-бабының 2-бөлігінің «а» тармағы бойынша қылмыстық іс қозғалып, бас бостандығынан айыру түріндегі бұлтартпау шарасы қолданылған.