“Наманган юлдузлари” жамоаси жаҳон кубоги соҳиби
Жорий йил 12-25 сентябрь кунлари Қозоғистоннинг Бойқўнғир шаҳрида ўтказилган спортнинг техник ва амалий турларига кирувчи “Ракетамодель” тури бўйича “Байконур-2019” Жаҳон кубоги халқаро мусобақасида...
Жорий йил 12-25 сентябрь кунлари Қозоғистоннинг Бойқўнғир шаҳрида ўтказилган спортнинг техник ва амалий турларига кирувчи “Ракетамодель” тури бўйича “Байконур-2019” Жаҳон кубоги халқаро мусобақасида иштирок этган Ўзбекистон мудофаасига кўмаклашувчи “Ватанпарвар” ташкилоти Наманган вилояти кенгашининг “Наманган юлдузлари” жамоаси 6 та олтин, 3 та кумуш ва 2 та бронза медали билан умумжамоа ҳисобида 1-ўринни ҳамда Жаҳон кубогини қўлга киритди.
Наманган вилояти ҳокими ташаббуси билан “Наманган юлдузлари” спортчилари - “Ватанпарвар” ташкилоти вилоят кенгаши спорт секциялари аъзолари Нажмиддин Зайлиддинов, Самандар Соқиев, Сидиқжон Йўлдошалиев, Ҳаётбек Қурбоналиев, Отабек Фазлиддинов мамлакат терма жамоаси билан бирга алоҳида жамоа сифатида мазкур мусобақага жўнатилганэди. Дунёнинг 10 дан зиёд мамлакатидан келган спортчилар келган мусобақада улар мамлакатимиз шарафини муносиб ҳимоя қилди.
Таъкидлаш жоиз, бундай ютуқлар замирида жамоа мураббийи, соҳада 40 йиллик тажрибага эга спорт устаси Нажмиддин Зайниддиновнинг меҳнатлари мужассам.
