Фоторепортаж

Наманган муҳандислик-технология институтида жорий ўқув йилида таълимнинг магистратура босқичини тамомлаган ёшларга магистрлик дипломларини тантанали топшириш маросими ўтказилди. 

[gallery-7999]

Тадбирда Наманган муҳандислик-технология институти ректори О. Маматкаримов иштирок этиб, магистрларга оқ йўл тилади. Ўқув йили давомида ўзининг фаоллиги билан тенгдошларига ўрнак бўлган бир гуруҳ битирувчилар институт раҳбариятининг ташаккурномалари билан тақдирланди. Шунингдек, бир гуруҳ фаол магистрларнинг ота-оналарига ҳам институт ректорининг раҳматномалари тақдим этилди.

Эслатиб ўтамиз, жорий ўқув йилида институтни 210 нафар магистр тамомламоқда. Янги ўқув йили учун эса 160 нафар ўғил-қиз қабул қилиниши режалаштирилган.

Ҳотам МАМАДАЛИЕВ (сурат), ЎзА