Namangan gullarga burkanmoqda
Namangan shahridagi Zahiriddin Muhammad Bobur nomli madaniyat va istirohat bog‘ida 59-an’anaviy “Gul bayrami”ga qizg‘in tayyorgarlik ko‘rilmoqda.
Namangan shahridagi Zahiriddin Muhammad Bobur nomli madaniyat va istirohat bog‘ida 59-an’anaviy “Gul bayrami”ga qizg‘in tayyorgarlik ko‘rilmoqda.
26 maydan 1 iyunga qadar davom etadigan bayramda 150 dan ortiq gulchi-tadbirkor, 100 dan ziyod korxona va tashkilot tomonidan 60 dan ko‘proq turdagi mavsumiy gullar ko‘rgazmasi namoyish etiladi. 100 dan ortiq badiiy kompozitsiyalar go‘zallik shaydolari e’tiboriga havola qilinadi.
O‘tgan yilgi bayramda guldan kompozitsiyalar yaratish uchun 3,5 million tup gul ko‘chati ekilgan bo‘lsa, joriy yil ular soni hozirgacha 5 milliondan oshdi. Jozibador ko‘rinish kasb etayotgan birgina “Tovus” dizayni uchun 40-50 ming tup gul ko‘chati ishlatilmoqda.
