Ўзбекистон Республикаси Вазирлар Маҳкамасининг тегишли қарори билан Эргашев Ойбек Каримович Наманган давлат техника университетига ректор этиб тайинланди.

Ойбек Эргашев 1982 йили Наманган вилоятининг Наманган туманида туғилган. Маълумоти олий, 2003 йил Наманган муҳандислик-педагогика институтини тамомлаган. Мутахассислиги муҳандис-педагог. Кимё фанлари доктори, профессор илмий даражага эга. 

Меҳнат фаолиятини 2003 йил Наманган муҳандислик-педагогика институтида кимёвий технология кафедраси лаборатория мудирлигидан бошлаган. Кейинчалик у 2006-2020 йиллар Наманган муҳандислик-педагогика институти, Ўзбекистон Фанлар академияси, Наманган муҳандислик-технология институтида турли масъул вазифаларда фаолият юритган. 

Янги тайинловга қадар, яъни 2020 йилдан буён Наманган муҳандислик-технология институти илмий ишлар ва инновациялар бўйича проректори лавозимида фаолият юритган. 

Оқилхон Дадабоев, ЎзА.