Қазақстанның тұңғыш президенті - Елбасы Нұрсұлтан Назарбаевқа Түркі кеңесінің құрметті төрағасы деген өмірлік мәртебесі берілді.

Бұл жжайында, Түркітілдес елдері ынтымақтастығы кеңесінің мәлімдемесінде айтылды. Аталмыш бастаманы Түркия президенті Режеп Тайып Ердоған көтеріп, Түркі кеңесі мемлекеттерінің көшбасшылары бұл ұсынысқа бір ауыздан қолдау білдірген.

«Нұрсұлтан Назарбаев 1990 жылдардың басынан бері түрік әлемінің жақындасуына, түркі халықтарын біріктіретін ұйымдардың құрылуына ықпал етіп келеді. Ұлы көшбасшы Нұрсұлтан Назарбаевтың иеялары мен жобалар болашақта да Түркі халқтарының игілігі үшін қызмет етеді», - делінген мәлімдемеде.