Мысырда Өзбекстанда өндірілетін өнімдерді тарату орталығы мен сауда үйі ашылады.

Өзбекстан елшілігінің мәліметінше, Өзбекстан Сауда-өнеркәсіп палатасы мен мысырлық «Әл-Наср Экспорт-Импорт» компаниясы өкілдерімен онлайн кездесу өтті.

Кездесу барысында Мысырда өзбек компанияларының өнімдерін тарату орталығы мен сауда үйін ашу туралы келісімге қол қойылды.

Келісім Өзбекстан мен Мысыр арасындағы сауда-экономикалық байланыстарды одан әрі нығайтуға және іскерлік ынтымақтастықты кеңейтуге қызмет етеді.

Сондай-ақ диалог барысында Өзбекстан мен Мысыр арасында өзбек тауарлары үшін бір немесе бірнеше сауда үйлерін ашу, Мысырд өзара сауданы екі жаққа қолайлы шарттарда дистрибьюторлық орталық құру және өндірістік ынтымақтастық орнату арқылы дамытуға келісілді.

Аталған сауда-тарату орталықтары арқылы республикада өндірілген өнімді Еуропа, Таяу Шығыс және Африка елдеріне экспорттау көзделген.