Мьянманың Баго аймағындағы фермада қолдан жасалған жарылғыш заттың жарылуы салдарынан бес адам қаза тауып, бір адам дене жарақатын алды.

Global New Light Of Myanmar газетінің хабарлауынша, оқиға қолдан жасалған жарылғыш құрылғыны сынау кезінде орын алған. Қаза тапқандардың арасында Демократия үшін ұлттық лиганың мүшесі болғаны және ол жерден түрлі сымдар, батареялар және сынған телефон мен оның бөлшектері табылған. 

The Irrawaddy басылымы бұл оқиғада қаза болған азаматтар қатарында депутаттан бөлек үшеуі полиция қызметкері, ал төртіншісі жарылыс болған ауданның тұрғыны екенін хабарлаған.

Елде 1 ақпанда басталған қақтығыстарға байланысты тәртіпсіздіктер жалғасып келеді. Онда Мьянманың қарулы күштері азаматтық үкіметті құлатып, елдегі билікті қолға алды және ел басшыларын тұтқындады. Әскерилер бұл әрекетін 2020 жылғы жалпы сайлау нәтижелерін сол кездегі басқарушы Демократия Ұлттық Лигасы (NLD) партиясының пайдасына шешіп қана қоймай, бұл процеске тексеріс жүргізбеуімен байланыстырды.

Содан бері Мьянманың көптеген қалаларында әскери билікке қарсы жаппай наразылық күн сайын күшейуде. Медицина қызметкерлерін қоса алғанда, мемлекеттік қызметшілердің 70% -дан астамы өздерінің жұмыс орындарын тастап, билікке азаматтық бағынбау науқанына қосылған.