Мьянманинг Качин штатида Пхакан шаҳарчасидаги нефрит карьерасида юз берган ер ўпирилиши оқибатида 100 дан зиёд киши тупроқ остида қолиб кетган, уларнинг ўн нафари ҳалок бўлган, дейилади маҳаллий Irrawaddy нашри тарқатган хабарда.

Пхакандаги нефрит карьералари жойлашган туманда тез-тез фожиага олиб келувчи ер кўчишлари бўлиб туради. Чунки мамлакатнинг нефрит қазиб олиш бўйича асосий қуввати айнан шу ҳудудда жойлашган. Нефрит тошлари қўшни мамлакатларга, асосан Хитойга экспорт қилинади.