Термиз шаҳридаги Ёшлар марказида “Ёш китобхон оила” танловининг Сурхондарё вилоят босқичи бўлиб ўтди.

Мазкур маънавий лойиҳа китобхонлик маданиятини юксалтириш, ёшлар ҳамда оилаларда китобга ва адабиётга бўлган меҳрни кучайтириш мақсадига қаратилгани билан аҳамиятлидир.

Айтиш жоизки, танловнинг жорий йилги мавсумида 19 минг 430 оила иштирок этиш истагини билдирган. 15 оила вилоят босқичига йўлланмани қўлга киритди.

Вилоят босқичи “Бадиий асарлар билимдони” – асарларнинг ғоя ва мазмунини шарҳлаш ҳамда “Тезкор савол-жавоб” – ўқилган асарларга оид билим синови шартлари бўйича ўтказилди. Ҳакамлар ҳайъати иштирокчиларнинг бадиий тафаккури, нутқ маданияти ҳамда асар мазмунини англаш даражасини баҳолаб борди. 

[gallery-25799]

Якуний натижаларга кўра, Музработ туманидан ташриф буюрган Жавмировлар оиласи мутлақ ғолибликка эришиб, танловнинг республика босқичига йўлланмани қўлга киритди. Шерободлик Муҳаммадиевлар оиласи иккинчи ва жарқўрғонлик Ҳайитовлар оиласи учинчи ўринга лойиқ топилди.

<iframe width="640" height="420" src="https://www.youtube.com/embed/jCO-hbn75fI" title="Muzrabodlik oila tanlovning mamlakat bosqichiga yo‘llanma oldi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жонибек ҚЎЗИМУРОДОВ (сурат ва видео), ЎзА