Финландиянинг мухолифатдаги коалиция партияси мамлакатда Шимолий Атлантика альянсининг доимий базасини яратишга интилади, деб баёнот берди партиянинг парламентдаги фракцияси раҳбари Кай Мюкканен.

“Биз Финландияда НАТОнинг доимий кўп томонлама вазифа бажарадиган минтақавий қўмондонлик ёки Арктика минтақаси учун илғор тажриба маркази ташкил этилишини қатъий талаб қилишимиз керак”, деди сиёсатчи.

Унинг сўзларига кўра, Финландия Альянснинг ишончли тарафдори бўлиб қолишга интилиши шарт. 

- НАТО базаси очиш нафақат Россия билан энг узун чегара бўлгани учун, балки Финландиянинг Болтиқ денгизи ва Арктика минтақасини ҳимоя қилишда тажрибаси борлигини ҳам эътиборга олиш лозим, - қўшимча қилган Мюкканен.

18 май куни Финландия НАТОга аъзо бўлиш учун Бош котиб номига ариза берган. Ҳозиргача Альянсга аъзо 30 давлатдан 23таси тегишли ҳужжатни ратификация қилган.