Қорақалпоғистон Республикаси божхона бошқармаси томонидан оталиққа олинган Нукус шаҳридаги 31-сонли умумтаълим мактабининг байрам тадбирида бошқарма масъул вакиллари, маҳалла фаоллари, мактаб жамоаси ҳамда ота-оналар иштирок этишди.

Тадбир давомида сўзга чиққанлар  таълим ва тарбиянинг ҳаётимизда тутган ўрни ҳақида гапириб,  ёш авлодга янги омад ва ютуқлар тилашди.

Шунингдек, Қорақалпоғистон Республикаси божхона бошқармаси ходимлари Нукус шаҳридаги 15-сонли умумтаълим мактабида ҳам бўлишиб, 1-синфга қадам қўяётган мактаб ўқувчиларини табриклашди. Уларга янги ўқув йили муваффақиятли бошланиб, яхши давом этиши учун тилаклар билдиришди.

Довуд Абибуллаев,

ЎзА мухбири