“Мутолаа” мобиль иловаси ўзбек ва жаҳон адабиётининг энг нодир дурдоналарини бир жойга жамлаган замонавий кутубхона ҳисобланади.

Ёшлар ва катталар учун электрон, аудио ва видео форматларда адабиёт оламига бепул кириш имконини яратган бу илова, фойдаланувчиларни адабиётга яқинлаштиришда муҳим қадам бўлди.  

Айниқса, фойдаланувчилар сонининг кундан-кунга ортиб бораётгани илованинг қанчалик оммалашганини кўрсатмоқда. Бугунги кунда ушбу адабий хазинадан 600 мингдан ортиқ инсон фойдаланмоқда.    

Яқинда “Мутолаа” лойиҳаси ижодкорлари томонидан Антуан де Сент-Екзюперининг машҳур асари асосида навбатдаги “Кичкина шаҳзода” номли ҳужжатли фильм тайёрланди. Асарда болалик ва ҳаётга фалсафий ёндашув ҳақида чуқур фикр юритилади.  

“Кичкина шаҳзода”нинг сўзларига диққат қилиб, ҳаёт ҳақидаги чуқур ўйлар билан биргаликда унутилмас лаҳзаларга саёҳат қилиш мумкин.    

Гулноза Бобоева,

ЎзА