ФОТОРЕПОРТАЖ

Наманган шаҳри Янги аср маҳалласида жойлашган “Mustang textile” тикув корхонасида 170 нафар фуқаро бандлигини таъминлаган. Вилоят экспорт салоҳиятини юксалтиришга ҳисса қўшаётган мазкур корхонада кунига 500 дона эркаклар кийими ишлаб чиқарилади. 

Корхона маҳсулотлари асосан экспортга йўналтирилган, ички бозор учун  эса олдиндан берилган буюртмалар етказиб берилади. Маҳсулотлар Германия, Польша, Россия ва Қозоғистон давлатларига экспорт қилинмоқда. Жорий йил учун белгиланган 1 миллион АҚШ долларилик экспорт режаси бугунги кунга келиб 110 фоизга бажарилган. Ишчиларнинг ойлик маоши 2,5 миллиондан 6 миллион сўмгача етади. 

[gallery-26627]

Корхона мутасаддилари ҳозирда ишлаб чиқариш ҳажмини ошириш, янги бозорларни ўзлаштириш ва иш ўринларини кўпайтириш масаласига эътибор қаратган. 

Ҳотам МАМАДАЛИЕВ (сурат), ЎзА