Musavvir Pablo Pikassoning “Deraza yonida o‘tirgan ayol” surati (Femme assise près d’une fenêtre) Nyu-Yorkdagi “Christie's” kimoshdi savdosida 103 million dollardan oshiqroqqa sotildi.

Kimoshdi savdosining sayti tarqatgan ma’lumotda qayd etilishicha, xaridorning oxirgi qarori 90 million dollar bo‘lgan. Barcha yig‘imlar qo‘shib hisoblanganida narx 103 million 4 yuz mingni tashkil qilgan.  

Ma’lumot o‘rnida aytish joizki, mazkur surat oxirgi marta 1932 yilda sotuvga qo‘yilgan, o‘sha paytda u 45 million dollarga baholangan.