Belgiyada qilichbozlikning sablya yo‘nalishi bo‘yicha o‘tgan “Satellite” xalqaro turnirida O‘zbekiston, Argentina, Avstraliya, Belgiya, Chexiya, Ispaniya, Italiya, Fransiya, Buyuk Britaniya, Vengriya, Niderlandiya kabi davlatlardan kelgan 145 nafar sportchi ishtirok etdi.

Quvonarlisi, musobaqada O‘zbekiston terma jamoasi a’zosi Musa Aymuratov yarim finalda ispaniyalik Santiago Madrigalni 15:10 hisobida taslim etgan bo‘lsa, final bellashuvida ukrainalik Andrey Yagodkani 15:12 hisobida yengdi va oltin medalni qo‘lga kiritdi.

Eslatib o‘tamiz, kuni kecha ushbu xalqaro turnirning qizlar o‘rtasidagi bahslarida Zaynab Dayibekova shohsupaning uchinchi pog‘onasidan joy olgan edi.

Javohir Toshxo‘jayev,

O‘zA