Президент Мурожаатида амалдаги қонун ҳужжатларида ҳокимликларнинг 300 га яқин вазифа ва функциялари назарда тутилгани, шундан 175 таси мазмун-моҳиятига кўра ҳокимларнинг асосий вазифалари тоифасига кирмаслиги ва турли идораларнинг функцияларини такрорлаши қайд этилди.

Бу иш сифати ва ижро интизомига салбий таъсир кўрсатаётганлиги танқид қилинди.

Шу сабабли Президентимиз Олий Мажлис Сенатига Адлия вазирлигини жалб этган ҳолда, шу йилнинг биринчи ярмида ҳокимларнинг ваколатларини қайта кўриб чиқиш ва уларга хос бўлмаган ҳамда бир-бирини такрорлайдиган функцияларни тегишли органларга ўтказишни таъминлаш бўйича таклиф тайёрлаш кераклиги хусусида топшириқ берди.