Муроджон Аҳмадалиев рақибидан бироз оғирроқ тош босди
Эртага АҚШнинг Аризона штатида ўтказиладиган профессионал бокс оқшомида ҳамюртимиз Муроджон Аҳмадалиев жанг ўтказади.
Бугун, 16 декабрь куни боксчилар жанг олдидан тарозига чиқишди. Унда Муроджон Аҳмадалиев 55,17 килограмм, Кевин Гонсалес эса 54,88 килограмм вазн кўрсатди.
Айтиш лозим, ушбу оқшом доирасидаги чемпионлик камари учун элиминатор, яъни саралаш вазифасини ўтаб берадиган жангда ҳамюртимиз Муроджон Аҳмадалиев мексикалик 26 ёшли Кевин Гонсалесга қарши рингга кўтарилади.
Мазкур учрашувда ғолибликка эришган боксчи мутлақ жаҳон чемпионлиги учун рингга кўтарилиш ҳуқуқини қўлга киритади.
Муроджон Аҳмадалиев - Кевин Гонсалес жанги эртага, 17 декабрь якшанба тонгида соат 7:00дан сўнг бошланиши кутилмоқда.
Т.Рўзиев,
ЎзА