Январь ойининг сўнгги кунининг тонгида профессионал боксчимиз Муроджон Аҳмадалиев икки йўналиш чемпионлиги учун америкалик Даниель Романга қарши жанг қилади.

Бугун ҳар икки боксчи мазкур муҳим жанг олдидан тарозидан ўтишди. Унга кўра, ҳамюртимиз 54,88 кг тош босди, икки вазн чемпиони Даниель Романнинг натижаси ҳам худди шу ўлчамда бўлди. Муроджон Аҳмадалиевнинг омади келиб, жангда ғалаба қозонса, жаҳон бокси тарихидаги рекордни такрорлайди.

Хабарингиз бор, юртдошимиз шу кунгача профессионал боксда 7 та жанг ўтказиб уларнинг барчасида ғалаба қозонган (6 таси нокаут билан). Даниель Роман эса айни пайтда иккинчи енгил вазн тоифасининг WBA ва IBF йўналишлари чемпиони ҳисобланади. Шу кунгача 30 та жанг ўтказган ва уларнинг 27 тасида ғалаба қозонган (10 та нокаут). 2 маротаба мағлуб бўлган. 1 та жангда эса дурангга эришган.

Кўриниб турибдики, Аҳмадалиев жиддий рақибга қарши жанг қилади.