Мисрнинг Қоҳира шаҳрида бочча бўйича жаҳон чемпионати ўтказилди. Унда Ўзбекистон терма жамоаси илк бор иштирок этмоқда.

Чемпионатда терма жамоамиз аъзоси Мунира Абдуллаева аёллар ўртасида BC4 классида иккинчи ўринни эгаллади ва кумуш медалга сазовор бўлди. Ушбу мусобақанинг олтин ва бронза медаллари украиналик Наталия Коненко ҳамда мезбон Миср вакили Ханна Элфарга насиб қилди.   

Маълумот ўрнида: Мунира Абдуллаеванинг ушбу медали мамлакатимиз бочча спорт тури бўйича халқаро мусобақаларда қўлга киритилган илк медаль сифатида паралимпиямиз тарихида янги саҳифа очди.   

Жавоҳир Тошхўжаев, ЎзА