Futbol bo‘yicha O‘zbekiston milliy terma jamoasi 2018-yili Rossiyada o‘tadigan jahon chempionatining uchinchi saralash bosqichida qatnashadi.

Futbol bo‘yicha O‘zbekiston milliy terma jamoasi 2018-yili Rossiyada o‘tadigan jahon chempionatining uchinchi saralash bosqichida qatnashadi.

Mazkur bosqichga tayyorgarlik ko‘rayotgan futbolchilarimiz “Bunyodkor” stadionida Iroq terma jamoasi bilan o‘rtoqlik uchrashuvini o‘tkazdi.

Terma jamoamiz mahalliy klublarimizda to‘p surayotgan futbolchilardan iborat tarkib bilan maydonga tushdi. O‘yinning oltinchi daqiqasida Marat Bikmayev hisobni ochgan bo‘lsa, o‘ttizinchi daqiqada Elmurod Shomurodov raqib darvozasiga ikkinchi to‘pni kiritdi. Bahsning 90-daqiqasida iroqlik Abubakr Bayar hisobni qisqartirdi – 2:1.

O‘zbekiston milliy terma jamoasi “A” guruhida Eron, Janubiy Koreya, Xitoy, Qatar va Suriya terma jamoalari bilan bahs olib boradi. Futbolchilarimiz dastlabki uchrashuvini 1-sentabr kuni Toshkentda Suriya terma jamoasiga qarshi o‘tkazadi.