Qatar poytaxti Doha shahrida o‘tayotgan og‘ir atletika bo‘yicha “10th Qatar Weightlifting Cup” turnirining navbatdagi kunida O‘zbekiston terma jamoasi medallari soni 17 taga yetdi.

Musobaqaning bugungi dasturida -94 kg. vazn toifasida ishtirok etgan tajribali sportchimiz Muhammadqodir Toshtemirov siltab ko‘tarishda 194 kg, dast ko‘tarishda 166 kg. natija qayd etdi va ikkikurash yakuniga ko‘ra 360 kg. umumiy natija bilan uchta yo‘nalishda oltin medalga sazovor bo‘ldi.

Birozdan so‘ng O‘zbekiston terma jamoasi safida Nigora Suvonova -86 kg. vazn toifasida bahslarga kirishadi.

Javohir Toshxo‘jayev, O‘zA