Muhammad al-Xorazmiy nomidagi maktab imtihonlari qoldirilganmi?
“2019-yil dekabr oyida ushbu oʻquv dargohining zamonaviy binosi foydalanishga topshirildi.
Muhammad al-Xorazmiy nomidagi axborot-kommunikatsiya texnologiyalari yoʻnalishiga oid fanlarni chuqurlashtirib oʻqitishga ixtisoslashtirilgan maktabda 2020-2021 oʻquv yili uchun qabul imtihonlari boʻladimi?
Bu savolga Axborot texnologiyalari va kommunikatsiyalarini rivojlantirish vazirligi matbuot kotibi Sherzod Axmatov javob berdi:
“2019-yil dekabr oyida ushbu oʻquv dargohining zamonaviy binosi foydalanishga topshirildi. Ayni paytda maktabda 680 nafar oʻquvchi 5 – 11 sinflarda taʼlim olmoqda.
Mazkur maktabga 5-sinfdan oʻquvchilar qabul qilinadi. Maktab matematika, informatika, fizika va ingliz tili fanlariga ixtisoslashtirilgan boʻlib taʼlim oʻzbek tilida olib boriladi.
2020-2021 oʻquv yiliga oʻquvchilarni qabul qilish imtihonlarini kelgusi yilga qoldirilgan.
Agarda ushbu jarayonda oʻzgarishlar yuz bersa albatta rasmiy maʼlumotlar ommaviy axborot vositlari, rasmiy veb saytimiz orqali maʼlumotlar tarqatamiz”.