Respublikamizda Qurolli Kuchlar safidagi muddatli harbiy xizmatchilar uchun imtihonlar boshlandi. Ayni vaqtda Andijon, Navoiy, Surxondaryo, Xorazm viloyatlari va Toshkent shahrida test sinovlari bo‘lib o‘tmoqda.

Bilim va malakalarni baholash agentligi matbuot xizmatining ma’lum qilishicha, test sinovlari muddatli harbiy xizmatchilar tomonidan jangovar va ma’naviy-ma’rifiy tayyorgarlik dasturlarining o‘zlashtirganini yakuniy baholash bo‘yicha tashkil etilmoqda.

Test sinovlarida 40 ta jangovar tayyorgarlik, 20 ta ma’naviy-ma’rifiy tayyorgarlik, 10 ta matematika, 10 ta fizika fani bo‘yicha va 20 ta mantiqiy test topshiriqlari beriladi.

Muhayyo Toshqorayeva,

O‘zA