Республикамизда Қуролли Кучлар сафидаги муддатли ҳарбий хизматчилар учун имтиҳонлар бошланди. Айни вақтда Андижон, Навоий, Сурхондарё, Хоразм вилоятлари ва Тошкент шаҳрида тест синовлари бўлиб ўтмоқда.

Билим ва малакаларни баҳолаш агентлиги матбуот хизматининг маълум қилишича, тест синовлари муддатли ҳарбий хизматчилар томонидан жанговар ва маънавий-маърифий тайёргарлик дастурларининг ўзлаштирганини якуний баҳолаш бўйича ташкил этилмоқда.

Тест синовларида 40 та жанговар тайёргарлик, 20 та маънавий-маърифий тайёргарлик, 10 та математика, 10 та физика фани бўйича ва 20 та мантиқий тест топшириқлари берилади.

Муҳайё Тошқораева,

ЎзА