Davlat xavfsizlik xizmatining Toshkent shahar bo‘yicha boshqarmasi hamda Iqtisodiy jinoyatlarga qarshi kurashish departamenti hamkorligida o‘tkazilgan tezkor tadbirda poytaxtda faoliyat yurituvchi, tibbiy reagentlar savdosi bilan shug‘ullanuvchi MCHJ rahbari yaroqlilik muddati o‘tgan, qiymati 32 mln so‘mlik laboratoriya tekshiruvi uchun mo‘ljallangan 20 dona reagentlarni 16 mln so‘mga sotgan vaqtida ashyoviy dalillar bilan ushlandi.

Shuningdek, Toshkent shahri va viloyatida joylashgan unga tegishli 2 ta omborxona “Farmatsevtika mahsulotlari xavfsizlik markazi” davlat muassasasi xodimlarini jalb qilgan holda ko‘zdan kechirilganda, ularda umumiy qiymati 2 mlrd so‘mga yaqin bo‘lgan, 216 турдаги 1414quti yaroqlilik muddati o‘tgan hamda xorijdan olib kelingan va tegishli tartibda ro‘yxatdan o‘tkazilmagan 28 турдаги 322 quti(kontrafakt) mahsulotlar mavjudligi aniqlandi.

Ta’kidlash lozimki, sifatsiz reagentlarning ishlatilishi kelgusida bemorlarga noto‘g‘ri tashxis qo‘yish orqali muolaja qilish bilan bog‘liq salbiy oqibatlarni keltirib chiqarishi mumkin.

Hozirda tibbiy vositalar bo‘yicha tegishli tartibda ekspertiza tayinlanib, tergovga qadar tekshiruv ishlari olib borilmoqda.