Муаттар терма жамоамизга илк медални келтирди
Ушбу вазн тоифасида олтин медаль нигериялик Адижат Оларинойега насиб этди.
Пойтахтимиздаги “Ўзбекистон” спорт мажмуасида оғир атлетика бўйича VI халқаро бирдамлик мусобақасининг дастлабки кунида ҳамюртимиз Муаттар Набиева терма жамоамизнинг дастлабки медалига сазовор бўлди.
55 килограммгача вазн тоифасида мамлакатимиз шарафини ҳимоя қилган Муаттар Набиева даст кўтаришда 89 килограмлик штангани ўзига бўйсиндирган бўлса, силтаб кўтаришда 111 килограмм натижа қайд этди. Умумий ҳисобда 200 килограмм натижа кўрсатган ҳолда терма жамоамиз ҳисобига 3 та кумуш медални қўшиб қўйди. Шу тариқа вакиламиз Токио Олимпиадаси йўлида қимматли рейтинг очколарига ҳам эга бўлди.
Ушбу вазн тоифасида олтин медаль нигериялик Адижат Оларинойега насиб этди. Туркманистонлик Кристина Шерметова эса бронза медали билан тақдирланди.
