Мотоцикл пойгаси бўйича ҳоким кубоги мусобақасининг 1-босқичи ўтказилди
Ўзбекистон мудофаасига кўмаклашувчи “Ватанпарвар“ ташкилоти Наманган вилояти кенгаши томонидан “Мотоцикл пойгаси” спорт тури бўйича вилоят ҳокими кубоги мусобақасининг 1-босқичи ўтказилди.
Ўзбекистон мудофаасига кўмаклашувчи “Ватанпарвар“ ташкилоти Наманган вилояти кенгаши томонидан “Мотоцикл пойгаси” спорт тури бўйича вилоят ҳокими кубоги мусобақасининг 1-босқичи ўтказилди.
Мусобақада шаҳар ва туманлардан 9 ёш ва ундан катта бўлган жами 69 нафар спортчи двигатель ҳажми 65-110 см/куб, 85-125 см/куб, 125 см/куб, 350 см/куб, 250-500 см/куб ва 650-750 см/куб бўлган спорт мотоциклларида иштирок этди.
Пойганинг 1-босқичи умумий натижаларига кўра, Норин тумани жамоаси ғолибликни қўлга киритди. Наманган шаҳар спортчилари иккинчи ва мингбулоқлик мотопойгачилар учинчи ўринга сазовор бўлди.
Ғолиб ва совриндорларга фахрий ёрлиқ ва эсдалик совғалари топширилди.
