Муборак Рамазон ойи тугаши муносабати билан Москвада минглаб мусулмонлар байрам намозини ўқиди.

Эрта тонгдан мусулмонлар ҳайит намозини ўқиш учун Москва собори масжиди, Мемориал масжиди ва Москва тарихий масжидига борди. Пойтахт масжидлари ёнида ҳам алоҳида намозгоҳлар тайёрланди.

Намоз ўқишни хоҳловчилар оқими туфайли метро бекатлари ва кўчаларда тирбандлик юзага келди. Полиция масжидлар атрофида кучайтирилган хавфсизлик чораларини кўрди.

Россия Федерацияси мусулмонлари диний бошқармаси раиси, Россия муфтийлар кенгаши раиси Равил Гайнутдин Москва собори жоме масжидида маъруза ўқиди.

Ғайнутдин Исроилнинг Ғазо секторига ҳужумларини тўхтатиш учун дуо қилди ва Россия Президенти Владимир Путин, Россия Бош вазири Михаил Мишустин, Россия Федерацияси Федерал Мажлиси Федерация Кенгаши Раиси Валентина Матвиенко, Спикернинг табриклари ўқиб эшиттирилди.  

Ислом ва араб давлатларининг Россиядаги элчилари, жумладан, Туркиянинг Москвадаги элчиси Танжу Билгич ҳам Москва собори масжидида байрам намози ўқиди.

Москва собори масжидида ўқилган байрам намози ва хутбанинг видеоёзуви орадан бироз вақт ўтиб “Россия-1” давлат каналида намойиш этилди.

Россия Федерациясининг Санкт-Петербург, Владивосток, Уфа, Қозон, Грозний ва бошқа шаҳарларида ҳам мусулмонлар байрам намозини ўқишди.

ЎзА