Мўғулистонда қор бўрони пайти йўқолганлар қутқарилди
Мўғулистоннинг Завхон вилоятида кучли қор бўрони вақтида йўқолган 89 киши қутқарилди. Бу ҳақда Фавқулодда вазиятлар бош бошқармасига таяниб, “Синьхуа” хабар берди.
– Табиат ҳодисаси натижасида Мўғулистон ФВББ тезкор штабига 89 киши, жумладан кўчманчи чорвадорлар ғойиб бўлгани, шунингдек, қишлоқ ҳудудида кўриш имкони йўқолгани туфайли, ҳайдовчилар йўлда тирбандликдан чиқа олмаётгани билан боғлиқ 29 та мурожаат келиб тушди, – дейилган расмий баёнотда.
Мўғулистон метеорология ва атроф-муҳит мониторинги институти тахминига кўра, Сибирь томондан эсиб, мамлакатнинг катта қисмини қамраб олган совуқ ҳаво оқими яқин бир неча кун давомида сақланиб қолади. Айрим жойларда ҳарорат -50 даражагача тушиши кутилмоқда.