Моңғолияда көмір ұрлау ісі бойынша жалпы 35 адам айыпталып отыр. Олардың қатарында Моңғолияның бұрынғы президенті Халтмаагийн Баттулга да бар.

РИА Новости-дің хабарлауынша, көмір ұрлығы ісіне бұрынғы президенттен бөлек жеті депутат пен губернатор да қатысы бар. 

Қазіргі уақытта Моңғолияда наразылықтар аясында ірі көлемдегі көмір ұрлығына қатысты 22 тергеу жүріп жатыр.

Тергеу аясында жалпы 35 адам айыпталуда. Елдің сыбайлас жемқорлыққа қарсы комитеті Моңғолияның бұрынғы президенті Халтмаагийн Баттулга, президент әкімшілігінің бұрынғы төрағасы Шижир және бұрынғы көлікті дамыту министрі Ганбаттың көмір өндіру мен тасымалдауға қатысқанын, сонымен қатар бюджет қаражатына тауарлар мен қызметтерді сатып алғанын хабарлаған.