Президент Шавкат Мирзиёевтің Моңғолияға мемлекеттік сапары қарсаңында Улан-Батор қаласында Өзбекстан–Моңғолия бизнес-форумы өтті.

Өзбекстан Республикасы Көлік министрлігінің мәліметіне сәйкес, форум аясында Өзбекстан көлік министрінің бірінші орынбасары Маманбаи Омаров пен Моңғолияның Hunnu Air әуе компаниясының бас директоры Пуревжав Мунхжаргал арасында кездесу өткізілді.

Кездесуде тараптар Улан-Батор мен Ташкент арасында тікелей әуе рейстерін ашуға қатысты мәселелерді талқылады.

Атап айтқанда, келіссөз барысында Hunnu Air компаниясына қажетті слоттарды беру мәселесі нақтыланды, сондай-ақ транзиттік жолаушыларға қызмет көрсету тәртібі мен механизмін келісу бойынша нақты шаралар айқындалды.

Тараптар азаматтық авиация саласындағы болашақ ынтымақтастықты кеңейту бойынша өзара келісімге қол жеткізді.

Жоспарға сәйкес, Hunnu Air компаниясы 2025 жылдың қыркүйек айында Улан-Батордан Ташкентке алғашқы тікелей рейсін іске қосуды көздеп отыр.