Микрокредитбанк тизимида коррупцияга қарши муросасиз фаолиятни шакллантиришга қаратилган бир қатор чора-тадбирлар амалга ошириб келинмоқда.

Банк тизимида коррупцияга қарши курашиш йўналишида эътиборга молик ишлардан бири, мижозларга хизмат кўрсатишда очиқлик ва шаффофликни таъминлаш, бу борада жамоатчилик билан самарали алоқани йўлга қўйиш мақсадида «Комплаенс ишонч линияси» ишга туширилган.

Ушбу алоқа линиялари орқали мурожаатлар 24/7 тартибида фуқаролар хоҳишига кўра шахсни ошкор қилган ҳолда ёки аноним тарзда автоматик равишда қабул қилинмоқда.

Шунингдек, «Микрокредитбанк» АТБда Коррупцияга қарши назорат департаменти томонидан 4 та алоқа канали ташкил этилган: 

Ишонч телефони: +998 55 503-77-11;

Телеграм БОТ: mkbanticor_bot;

Электрон почта: mkbanticor@mkb.uz;

Расмий веб-сайт: www.mkbank.uz (Антикоррупция саҳифаси).

Мазкур алоқа каналлари мижозлардан ва фуқаролардан бевосита қонун бузилиш ҳолатлари вужудга келганда мурожаатларни қабул қилиш учун йўлга қўйилган.

Мижозларга банкда алоқа каналлари мавжуд эканлигини билдириш мақсадида уларга СМС-хабарнома кўринишида маълумотлар юборилмоқда.

Шунингдек, мижозларга осон бўлиши учун банкнинг веб-сайти ва телеграм ботига мурожаат қолдириш видео-йўриқномаси тайёрланган. Бу йўриқнома банкнинг мижозларни кутиш зали ва электрон навбатларни тақдим этиш қурилмаси мониторларида ҳавола этиб турилади.

Келиб тушган мурожаатлар юзасидан мижозларга белгиланган тартибда ва ўз вақтида жавоб бериб келинмоқда.

Банк Ахборот хизмати

Реклама ҳуқуқи асосида