Yaponiyaning Mitsubishi avtokonserni logistika qiyinchiliklari tufayli Kalugadagi avtomobil ishlab chiqarish zavodini vaqtinchalik to‘xtatishga qaror qildi, deb xabar bermoqda RIA Novosti mazkur kompaniya matbuot xizmatiga tayanib. Mitsubishi kompaniyasi Rossiyada Outlander va Pajero Sport modellarini ishlab chiqaradi.

2021 yil yakunlari bilan Mitsubishi savdosi Rossiyada 1,6 foizga tushib, 27,7 ming donani tashkil etgan. Natijada Mitsubishi kompaniyasining Rossiya avtobozoridagi ulushi ham  biroz tushgani, ya’ni 1,8 foizdan 1,7 foizga pastlagani aytilmoqda.