Наурыздың 25-і күні АҚШ-тың Миссисипи штатында орын алған жойқын дауыл жиырмадан астам адамның өмірін қиды.

SkyNews мәліметінше, торнадо салдарынан 23 адам қаза тапты. Ең үлкен қирау Миссисипи және Алабама штаттарында тіркелді: онда көптеген ғимараттар қирады, электр желілері зақымдалды.

БАҚ дерегінше, желдің жылдамдығы шамамен сағатына 113 шақырымға жеткен, торнадо жолының жалпы ұзындығы 160 шақырымнан асқан.

Төтенше жағдайлар қызметі оқиғаның салдарын жою жұмыстарын жүргізуде. Торнадо салдарынан бір ғана Миссисипи штатында 17 мыңға жуық үй жарықсыз қалған. 

Іздестіру-құтқару жұмыстары жалғасып жатқаны айтылады хабарламада.