2022 йил 22 январдан бошлаб Миср давлатига келган фуқаролар учун айрим қоидалар ўзгарди. Бу ҳақда Ташқи меҳнат миграцияси агентлиги хабар берди.

Унга кўра, фуқаро Жаҳон соғлиқни сақлаш ташкилоти ёки мамлакат Дори-дармон агентлиги томонидан тасдиқланган вакцина билан эмланган бўлиши керак. 12 ёшгача бўлган болалар бундан мустасно.

Шу билан бирга, “Sinopharm”, “Sinovac”, “AstraZeneca”, “Sputnik V”, “Moderna”, “Pfizer” ва “Johnson & Johnson” вакциналари Мисрнинг ўзида фавқулодда фойдаланиш учун рўйхатга олинган.

Эмланганлик тўғрисидаги сертификатда фуқаро келишидан камида 14 кун олдин бир марталик вакцинанинг битта дозасини ёки икки марталик вакцинанинг охирги дозасини олган бўлиши шарт.