Misr hukumati Qizil dengizdagi mashhur Xurgada kurortida akula paydo bo‘lgani haqidagi xabar ortidan zarur choralar ko‘rishga kirishdi, deb yozdi “Al Masry Al Youm” gazetasi.

Nashr qayd etishicha, kuni kecha Al-Guna tumanidagi Ab-u Minkar oroli yaqinida akula ko‘ringan. Qo‘riqxona boshqarmasi yovvoyi jonivorga qarshi kurashish chorasini ko‘ra boshladi. Hududdagi cho‘milish joyiga bormoqchi bo‘lganlar hushyorlikka chaqirildi.

2023-yil iyun oyida aynan Xurgadada akula hujumi natijasida rossiyalik sayyoh halok bo‘lgan. Sentyabr o‘rtalarida esa Misr atrof-muhit vazirligi Sinay yarim orolidagi Dahob shahri sohilida mahalliy aholi vakili ham akuladan jabr ko‘rganini ma’lum qilgan.