Миср қуролли кучлари Синайнинг марказий ва шимолий қисмларида терроризмга қарши курашиш бўйича махсус операция ўтказди.

Натижада ҳудудда фаолият юритаётган экстремистик ташкилотнинг 13 нафар аъзоси йўқ қилинган. Бу ҳақда TASS агентлиги армия қўмондонлиги баёнотига асосланиб хабар берди.

Жангарилар билан отишма чоғида бир нафар ҳарбий хизматчи ҳалок бўлган, яна тўққиз киши яраланган.

Мамлакат қуролли кучлари жангарилардан кимёвий ўқ-дорилар, шунингдек, 13 та турли калибрли милтиқ ва 20 та патронли журналларни тортиб олган. Бундан ташқари, ҳарбий дурбин, мобил телефонлар, компьютерлар ва бир қанча пуллар мусодара қилинган.

Бундан уч йил олдин Миср армияси ва ички ишлар вазирлиги "Синай-2018" номли антитеррор операциясини бошлаган эди. Унда армия бўлинмалари, ички ишлар вазирлиги ходимлари, чегара, ҳаво ва денгиз кучлари иштирок этган. Мазкур операцияда юзлаб жангарилар йўқ қилинди, полициячилар ва ҳарбийлар ҳам қурбон бўлган.