Айни кунларда республикамиз бўйлаб баҳорги пилла етиштириш мавсуми қизғин давом этмоқда. Ана шундай сермаҳсул кунларда Қашқадарё вилояти Миришкор тумани пиллакорлари юртимизда биринчилардан бўлиб давлатга пилла сотиш шартномавий режасини ортиғи билан бажардилар.

Туман пиллакорлари фидокорона меҳнатлари эвазига жорий мавсумда жами 386 та касаначи звенолар билан 1 минг 332 қути ипак қурти боқишиб, белгиланган давлат режасидаги 90 тонна пилла ҳосилини ортиғи билан топширишга эришдилар.  

Шу билан бирга, пиллачи касаначилар яна қўшимча равишда давлатга кумуш тола пилла ҳосилини топширишни режалаштирган.

Миришкор тумани пиллакорлари келгусида ҳам республикамизнинг улкан хирмонига ўзларининг муносиб ҳиссаларини қўшиб, меҳнат ғалабалари билан юксак довонлардан ошиб бораверадилар.  

Гулноза Бобоева,ЎзА