Belarus Mudofaa vazirligi Polshaning ikki belarus vertolyoti tomonidan davlat chegarasi kesib o‘tilgani to‘g‘risidagi bayonotini inkor etdi.

“Belarus Harbiy-havo kuchlari va Havo mudofaasi kuchlarining Mi-24 va Mi-8 vertolyotlari Polsha chegarasini buzganligi ayblovi o‘ta asossiz. Bu Polsha harbiy-siyosiy rahbariyati tomonidan o‘z qurolli kuchlari to‘planishini oqlash uchun bahona. Kuch va vositalar Belarus chegarasi yaqinida”, – deyilgan vazirlik bayonotida.

Ta’kidlanishicha, 1 avgust kuni ertalabdan Polsha Qurolli kuchlari tezkor qo‘mondonligi fuqarolarni Polsha radarlari davlat chegarasi buzilishi holatini qayd etmagani haqidagi bayonot bilan ishontirdi. Kechqurun ular chegarani kesib o‘tish juda past balandlikda sodir bo‘lgani, bu esa radar tizimi tomonidan aniqlashga to‘sqinlik qilganini aytgan.

Avvalroq 1 avgust kuni Polsha Mudofaa vazirligi Belarus harbiy-havo kuchlarining ikki vertolyoti tomonidan havo chegarasi buzilganini ma’lum qilgandi. Voqea fonida vazir Mariush Blashchak chegarada harbiy mavjudlikni kuchaytirishga ko‘rsatma bergan.